આજે આપણા દેશમાં સૌથી મહત્ત્વપૂર્ણ દસ્તાવેજ હોય તો એ છે ‘આધારકાર્ડ’. ઘણીવાર આપણે ખોવાઈ જવાના અથવા તો ખરાબ થઈ જવાના ડરે એ સાથે નથી રાખતા. શું તમને ખબર છે કે તમે આધારકાર્ડની PDF ફાઇલ ડાઉનલોડ કરી શકો છો. આ માટે તમારે કોઈ ચાર્જ પણ નહીં ચૂકવવો પડે અને બધી જ જગ્યાએ માન્ય પણ છે. આજે અમે તમને જણાવીશું કે આધારકાર્ડની PDF ફાઇલ કેવી રીતે ડાઉનલોડ કરી શકાય છે.
આ રહી ડાઉનલોડ કરવાની પ્રક્રિયા
• સૌથી પહેલા તમારે UIDAIની ઓફિશિયલ વેબસાઈટ myaadhaar.uidai.gov.in/ પર જાઓ.
• આ બાદ My Aadhaar સેક્શનમાં જઈને Download Aadhaar પર ક્લિક કરો.
• આ બાદ બીજા પેજ પર Download Aadhaarનો વિકલ્પ જોવા મળશે, જેના પર ક્લિક કરો.
• આ બાદ આધાર નંબર અને કેપ્ચા એન્ટર કરો અને પછી રિકવેસ્ટ ઓટીપી બટન પર ક્લિક કરો.
• રજિસ્ટર્ડ મોબાઈલ નંબર પર UIDAI તરફથી એક ઓટીપી મોકલવામાં આવશે, જેને બોક્સમાં એન્ટર કરો અને બાદમાં ડાઉનલોડ આધાર પર ક્લિક કરો.
• આધાર ડાઉનલોડ કર્યા બાદ નામના શરૂઆતના ચાર અક્ષર ને જન્મનું વર્ષ એન્ટર કરીને પીડીએફ ફાઈલને ઓપન કરો.
3 ફોર્મેટમાં આધાર આવે છે
આધાર કાર્ડ અત્યારે 3 ફોર્મેટમાં આવે છે – આધાર લેટર, ઇ-આધાર અને PVC કાર્ડ. PVC કાર્ડને ગયા વર્ષે લોન્ચ કરવામાં આવ્યું હતું. UIDAI મુજબ, આધાર કાર્ડ ત્રણેય ફોર્મેટમાં માન્ય છે. નાગરિકો તેમની સુવિધા મુજબ આધાર ફોર્મેટ પસંદ કરી શકે છે.
