*રાજસ્થાનના આહોર મુકામે પાટણના ધનરાજ ઠક્કર અને ડૉ. રૂપેશ ભાટિયાએ વૈદિક ગણિત અને ગણિતની રમતો શીખવી*
*પાટણ ના ધનરાજ ઠક્કર અને ડૉ.રૂપેશ ભાટિયા એ વૈદિક ગણિતની ખુબજ સરળ પદ્ધતિઓથી સરવાળા બાદબાકી ગુણાકાર અને વર્ગ ની રીતો શીખવી*
પ્રથમ એજ્યુકેશન ફાઉન્ડેશન ભારતમાં શિક્ષણની ગુણવત્તા સુધારવા માટે કામ કરતી સૌથી મોટી બિન સરકારી સંસ્થાઓ (એનજીઓ) પૈકીની એક છે. મુંબઈની ઝૂંપડપટ્ટીમાં બાળકોને પ્રિ-સ્કૂલ શિક્ષણ આપવાના ઉદ્દેશ્ય સાથે શરૂ કરાયેલ, વર્ષોથી પ્રથમ સંસ્થાએ “શાળામાં દરેક બાળક અને શીખવાની સારી રીતના મિશન” તરફ કામ કરતી હતી. સમય જતાં કાર્યક્ષેત્ર અને કદ બંનેમાં વિકાસ કર્યો છે. આજે સમગ્ર દેશમાં ૧૦ વર્ષથી ૩૦ વર્ષના બાળકોને વર્તન, સારી રીતભાત, સમાજમાં કોઈ કારણસર ભણી શક્યા ન હોય એમને શોધીને અભ્યાસ માટે પ્રેરિત કરવા અને મહિલા તથા યુવાનોને રોજગારી મળી રહે એ માટે વિવિધ તાલીમ, વર્કશોપ અને સેમિનારો કરે છે.
પ્રથમના ક્રિએટિવિટી ક્લબ પ્રોજેક્ટના ભાગ રૂપે અંતરિયાળ વિસ્તારના બાળકોમાં ગણિતનો હાઉ દૂર કરવા અને ગણિત પ્રત્યે રસ રુચિ જગાવવા માટે પાંચ રાજ્યોના ૧૨ કેન્દ્રો પર વૈદિક ગણિત તથા ગણિત આધારિત રમતો વિષય પર વર્કશોપનું આયોજન કરવામાં આવ્યું છે. આ વર્કશોપમાં રાજસ્થાનના ઝાલોર જિલ્લાના આહોર મુકામે ઓલ ઇન્ડિયા રામાનુજન મેથ્સ ક્લબ વતી થી પાટણના ગણિત તજજ્ઞો તરીકે સિદ્ઘપુરના શ્રી અભિનવ હાઈસ્કૂલના આચાર્ય ડૉ. રૂપેશભાઈ ભાટિયા તથા શેઠ એમ. એન. હાઈસ્કૂલના આચાર્ય શ્રી ધનરાજભાઈ ઠક્કરે સેવાઓ આપી હતી. આ બે દિવસીય વર્કશોપમાં વિદ્યાર્થીઓને ગાણિતિક ક્રિયાઓ જેવા કે, ગુણાકાર, વર્ગ વગેરે વિદ્યાર્થીઓને રમતાં રમતાં આનંદપૂર્વક સરળતાથી ક્રિયાઓ શીખવી. વિદ્યાર્થીઓમાં ગણિત પ્રત્યે ડર દૂર થાય અને ગણિત વિષય પરત્વે લગાવ થાય એ માટે ગણિતની વિવિધ રમતો કરાવી. બે દિવસીય વર્કશોપના અંતે વિદ્યાર્થીઓએ શીખેલી બાબતોની ક્વિઝ પણ લેવામાં આવી. જેમાં વિદ્યાર્થીઓએ ઉત્સાહભેર સહભાગ લીધો હતો. વિજેતા તથા સહભાગી વિદ્યાર્થીઓને ઈનામ આપી પ્રોત્સાહિત કર્યા હતા.
આ વર્કશોપ માં 30 જેટલા ગામોમાંથી પસંદ કરેલા 41 બાળકો 8 વાલી અને ત્રણ વોલેન્ટીયર્સ ભાગ લીધો હતો.
વર્કશોપના અંતે કેટલાક બાળકોએ પોતાના સ્વાનુભવમાં કહ્યું કે અમને આ પ્રકારે સરળ ગણિત ક્યારેય શીખવ્યું નથી તેમજ વિવિધ રમતો થી આનંદ થયો છે. અંતે તમામ બાળકોને પ્રમાણપત્ર આપીને સન્માનિત કરવામાં આવ્યા હતા. બે દિવસીય વર્કશોપને સફળતા અપાવવા પ્રથમ ક્રીએટિવીટી ક્લબના કાર્યકર્તાઓ છોગારામ દેવાસી, બુદ્ઘિપ્રકાશ મીણા, અચલરામ, અશ્વિની મેડમ ભાવના મેડમ, સોનુ મેડમ, લતા મેડમ તથા ડિમ્પલ મેડમે વ્યવસ્થાઓ કરી હતી.
