શેઠ એમ એન હાઈસ્કૂલની “કોટ્રેલ ફોર એર પ્યોરિફીકેશન” વિજ્ઞાન કૃતિ રાજ્ય કક્ષાએ જવા માટે પસંદ
ઝોન કક્ષા ના ગણિત વિજ્ઞાન પ્રદર્શન માં શેઠ એમ એન હાઇસ્કુલનો દબદબો
GCERT ગાંધીનગર પ્રેરિત ઝોન કક્ષાનું ગણિત વિજ્ઞાન પ્રદર્શન 18 ડિસેમ્બર થી 20 ડિસેમ્બર દરમ્યાન ગોતા , ડાયટ અમદાવાદ ખાતે યોજાયું. જેમા આઠ જિલ્લા ગાંધીનગર ,મહેસાણા, પાટણ,અરવલ્લી,અમદાવાદ
સાબરકાંઠા,બનાસકાંઠા,અમદાવાદ(ગ્રામ્ય) ના બાળ વૈજ્ઞાનિકો દ્વારા કૃતિઓ રજૂ કરવામાં આવી હતી.
જેમાં ઉત્તર ગુજરાત યુવક મંડળ સંચાલિત અમારી શાળા શેઠ એમ એન હાઇસ્કુલ, પાટણ ના બાળ વૈજ્ઞાનિકો પટેલ વૃંદા અને પટેલ રિયા દ્વારા ફિઝિક્સ ના શિક્ષક અર્જુનસિંહ વાઘેલા ના માર્ગદર્શન તળે ‘કોટ્રેલ ફોર એર પ્યોરિફીકેશન’ કૃતિ રજુ કરી હતી. બાળ વૈજ્ઞાનિકો દ્વારા તૈયાર કરવામાં આવેલી આ વિજ્ઞાન કૃતિ એ *ઝોન કક્ષા ના આ ગણિત વિજ્ઞાન પ્રદર્શન માં વિભાગ 4 માં પ્રથમ નંબર પ્રાપ્ત કર્યો છે* …
શેઠ એમ એન હાઇસ્કુલ ના બાળ વૈજ્ઞાનિકો પટેલ રિયા અને પટેલ વૃંદા
હવે પોતાની કૃતિ 6 થી 10 જાન્યુઆરી સુધી જૂનાગઢ મુકામે યોજાનાર રાજ્ય કક્ષા ના ગણિત વિજ્ઞાન પ્રદર્શન માં રજૂ કરશે…
અત્રે ઉલ્લેખનીય છે કે આ બંન્ને બાળ વૈજ્ઞાનિકો પટેલ રિયા અને પટેલ વૃંદા અત્યારે 12 સાયન્સ માં છે હોંશિયાર છે.. છતાં પણ આ વિજ્ઞાન મેળા માં ભાગ લઈ તેમના માં રહેલી વિશિષ્ટ ક્ષમતા અને સંશોધનાત્મક શક્તિ નો પરિચય કરાવ્યો છે…
અમારી શાળા ના સાયન્સ શિક્ષકો વર્ષા બેન પટેલ, રમેશભાઈ વાગડીયા,
વિષ્ણુભાઈ પ્રજાપતિ એ પણ બાળ વૈજ્ઞાનિકો ને માર્ગદર્શન પુરૂ પાડ્યું હતું…
વિજેતા થનાર બાળ વૈજ્ઞાનિકો તેમજ માર્ગદર્શક શિક્ષક મિત્રો ને સંચાલક મંડળ ના તમામ સદસ્યશ્રીઓ તથા આચાર્યશ્રી ધનરાજભાઇ ઠક્કર દ્વારા ઢેર સારી શુભકામનાઓ સહ અભિનંદન પાઠવવામાં આવ્યા હતા.
વિજેતા વિદ્યાર્થીઓ ની કૃતિ રાષ્ટ્ર કક્ષા સુધી આગળ વધે તેવી હાર્દિક શુભકામનાઓ..
